Nga matjet e Global Peace Index, rezulton se terrorizmi në botë gjatë vitit të kaluar është rritur me 80 për qind në krahasim me vitin 2013">2013.

Ndërkohë matjet e sivjetshme akoma nuk janë publikuar, por me siguri ato do të tregojnë përkeqësim të treguesve, duke pasur parasysh aktet terroriste në botë të muajve e sidomos të ditëve të fundit.

Në indeksin e terrorizmit, Kosova ka shënuar përparim. Nga 162 vende të përfshira në klasifikimin e ekspozimit nga rreziku i terrorizmit, ajo vjet ishte e 62-ta, ndërsa një vit më parë (më 2013">2013) ndodhej në vendin e 51-të. Ndërsa Shqipëria në këtë indeks radhitet në vendin e 78-të, ndërsa më 2013">2013 ishte në vendin e 109-të.

Kosova dhe Shqipëria tashmë ndodhen në zonën e shteteve të ekspozuara ndaj terrorizmit, përkatësisht në nivelin 4, nga 10, që është niveli më i lartë i rrezikut.

Me rrezikun më të lartë të ekspozimit ndaj terrorizmit janë: Iraku në vendin 1, Afganistani 2, Nigeria 3, Pakistani 4, dhe Siria në vendin e 5-të.

Ky është treguesi i vjetshëm i kategorizimit të vendeve të rajonit, sipas Global Peace Index, për rrezikun ndaj ekspozimit të terrorizmit: Turqia 27, Greqia 29, Kosova 62 ( më 2013">2013 - 51), Maqedonia 73, Shqipëria 78 (më 2013">2013 – 109), Mali i Zi 103, dhe Serbia në vendin e 106-të rrezikshmërisë. /albeu.com/