Kosova, hambar i rajonit për prodhimin e grurit
Në përcjelljen e mbarëvajtjes së fushatës së korrje-shirjeve, kryeministri i Kosovës Hashim Thaçi ka thënë se Kosova po kthehet në hambar për rajonin në prodhimin e grurit.

Sipas tij, qeveria do të vazhdojë të subverncjonojë bujqit e vendit dhe se thuajse 70% e fushatës së korrje-shirjeve kanë përfunduar, njofton Indeksonline.

“Mund të them se është një prej sezoneve më të suksesshme të korrje shirjeve në Republikën e Kosovës pas luftës”, tha Thaçi.

Ai tha se qeveria ka subvencionuar fermerët me rreth 6 milionë euro, 2 milionë më shumë se vitin e kaluar, me ç’rast përfitues ishin rreth 11 mijë bujq, gjë që ka ndikuar në rendimente rekorde.

“Sivjet ka pasur më tepër tokë të punueshme me grurë, është rritur edhe prodhimtaria dhe gradualisht Kosova është duke u bërë hambar për rajonin”, tha Thaçi. /albeu.com/

Shtuar më 21/07/2013, ora 14:27

Shkruani komentin tuaj!
Të fundit nga kjo kategori