Ndiqni pamjet LIVE, mijëra studentë rrethojnë Kuvendin
Kosova e varfërisë dhe e krizës ekonomike
Pëlqej
Kosova është në krizë ekonomike dhe ka tendenca për keqësim të mëtejshëm.

Kështu vlerësojnë njohës të çështjeve ekonomike në vend.

Problem për Kosovën është se rritja ekonomike në një vit nuk shkon më shumë se 3 %, duke marrë në konsideratë faktin se ajo është në nivel të ulët.

Po ashtu, papunësia kap norma tejet të larta, deri në 40 %, si dhe varfëria ekstreme është 10 %.

Drejtori ekzekutiv i Institutit për Hulumtime të Avancuara (GAP), Agron Demi, tha për Radion Evropa e Lirë, se rritja ekonomike është e varur nga investimet publike dhe jo nga sektori privat, gjë që, sipas tij, do të duhej të ishte e kundërta.

Ai tregon se janë bërë gabime në politikën e jashtme ekonomike të shtetit.

“Një nga stadet e para të një politike të gabuar ekonomike është që nga privatizimi i ndërmarrjeve shoqërore, të cilat nuk kanë sjell përftimet e duhura ekonomike, pastaj korrupsioni i lartë që nuk e ka paraqitur Kosovën si një vend atraktiv për investitorët e huaj, por edhe forca punëtore, e cila nuk është kualifikuar sa duhet për të ndërmarrë detyra që janë të kërkuara për bizneset në shekullin XXI. Të gjitha këto kanë kontribuar që Kosova të mos jetë e zhvilluar ekonomikisht dhe të përballemi me të gjitha këto probleme”, thotë Demi.

Edhe investimet e huaja në vend kanë pësuar rënie kohët e fundit. /albeu.com/
Shtuar më 04/09/2014, ora 10:58
Shkruani komentin tuaj!
Të fundit nga kjo kategori