Kosova dhe Serbia bëhen shkak vonese në punë për shumë qytetarë evropianë
Shumë orë digjitale në 25 shtete të Evropës: nëpër radio, furra elektrike, frigoriferë, alarme digjitale dhe mjete të tjera digjitale janë devijuar që prej mesit të muajit janar.

E gjitha kjo për shkak të një çështje konfliktuoze që ka ndodhur mes Kosovës dhe Serbisë në rrjetin e energjisë elektrike, ka mësuar të martën Rrjeti Evropian i Operatorëve të Sistemit të Transmisionit të Energjisë Elektrike (ENTSOE).

Shumë orë të brendshme në radiot, furrat dhe orët e alarmit që punojnë në rrjetin elektrik, kanë devijuar dhe kanë kaluar deri në gjashtë minuta prapa, për shkak të konfliktit në rrjetin energjetik mes Kosovës dhe Serbisë.

Sipas njoftimit të ENTSOE, problemi ka filluar për shkak të rënies së mesatarës së frekuencësrrjetin e rrjetin evropian të energjisë elektrike.

“Rënia në mesataren e frekuencës ka ndikuar gjithashtu në ato orë elektrike që drejtohen nga frekuenca e sistemit energjetik”, thuhet në komunikatën e lëshuar sot nga ENTSOE, e cila rekomandon se dikush duhet të marrë përgjegjësi për këtë rënie të frekuencës.

Për këtë devijim të orëve digjitale në Evropë, kanë raportuar sot mediat më prestigjoze evropiane në Gjermani (Spiegel Online), në Belgjikë (Morgen.be) dhe në Holandë (Teleegraf.nl, RTLnieuws.nl dhe Parool.nl). /albeu.com/
Shtuar më 06/03/2018, ora 22:06

Shkruani komentin tuaj!
Të fundit nga kjo kategori