Kosova dëshiron të ruajë zinxhirin komandues policor
Plani i integrimit të individëve të komunitetit serb nga pjesa veriore e Kosovës, të cilët duan të integrohen në strukturat e Policisë së Kosovës dhe plani mbi vazhdimin e konsolidimit të Drejtorisë së Policisë së Kosovës për pjesën veriore kanë qenë temat e diskutimit të takimeve të tre ditëve me rradhë mes grupeve punuese të Serbisë dhe Kosovës.

Bisedimet janë zhvilluar me ndërmjetësinë e Bashkimit Evropian, shkruan Tribuna.

“Në kuadër të kësaj agjende pala jonë edhe një herë ka shpalosur aspektin ligjor dhe rregullativat në fuqi të Kosovës për rekrutimin e individëve në Policinë e Kosovës e më pas është folur për kriteret dhe modalitetet e këtij integrimi të mundshëm.

Gjithashtu gjatë këtyre takimeve është biseduar për afatet kohore sipas Planit të Integrimit të përgatitur nga Ministria e Punëve të Brendshme e Kosovës, i cili përfshin edukimin e vazhdueshëm përkatësisht trajnimin që organizon Policia e Kosovës në Akademinë në Vushtrri për policët e rinj të cilët do të integrohen në radhët e saj”, thuhet në njoftimin e Qeverisë. /albeu.com/
Shtuar më 02/08/2013, ora 10:22
Shkruani komentin tuaj!
Të fundit nga kjo kategori