Nënshkruhet marrëveshja për Korpusin e Paqes
Update- Është nënshkruar marrëveshja ndërshtetërore me SHBA-të për hapjen e programit të parë të KorpusitPaqes edhe në Kosovë.

Marrëveshja u nënshkra nga presidentja e Kosovës, Atifete Jahjaga, dhe ndihmësdrejtoresha e Korpusit AmerikanPaqes, Helen Lowman.

Presidentja Jahjaga, në një konferencë për media, tha se marrëveshja e nënshkruar shënon një hap të rëndësishëm që i kontribuon bashkëpunimit të dy popujve në fushën e arsimit dhe kulturës.

“Me këtë marrëveshje, Kosova bëhet shteti i 140-të nikoqir i KorpusitPaqes, organizatë kjo e vullnetarëve amerikanë, e themeluar nga presidenti Kennedy, që me dekada ka ndërtuar ura të miqësisë ndërmjet popujve rreth botës”.

“Marrëveshja e KorpusitPaqes është një platformë bashkëpunimi, mbi të cilën Kosova do të jetë shtëpia e vullnetarëve nga Shtete e Bashkuara të Amerikës, të cilët do të integrohen në shoqërinë tonë dhe punojnë në fushën e arsimit, kulturës, ambientit dhe zhvillimit të përgjithshëm”, tha presidentja Jahjaga, për të shtuar se marrëveshja vulos marrëdhëniet e shkëlqyera mes dy popujve që kanë zgjedhur rrugën e paqes, prosperitetit dhe demokracisë, shkruan Koha Ditore.

Nga ana tjetër, ndihmësdrejtoresha e Korpusit AmerikanPaqes, Helen Lowman, tha se Korpusi i Paqes ka një histori 52-vjeçare dhe ka tri synime:

“Synimi i parë është të mundësojë angazhimin e burrave dhe grave të stërvitur për vendet që kërkojnë vullnetarë. Në këtë rast specifik, Kosova ka kërkuar mësues të gjuhës angleze për shkollat e mesme. Vullnetarët tanë do të jenë mësues të stërvitur të gjuhës angleze, që do të punojnë në shkollat rurale”.

“Synimi i dytë është t’i mësojmë vendet nikoqire për Amerikën, kurse synimi i tretë është t’i mësojmë amerikanët për vendet nikoqire”.

“Për shembull, vullnetarët tanë do të jenë këtu për dy vjet, duke dhënë mësime në gjuhën angleze, në shkollat rurale dhe kur ata të kthehen në Shtetet e Bashkuara, do t’i mësojnë amerikanët për Kosovën. Organizata jonë pra ka dy drejtime, një ka të bëjë me zhvillimin dhe e dyta ka të bëjë me këmbimin e përvojave të njerëzve”, shpjegoi Lowman. /albeu.com/



.......................




10:20 - Sot në Prishtinë do të nënshkruhet marrëveshja ndërshtetërore me SHBA-të për hapjen e programit të parë të KorpusitPaqes dhe në Kosovë.

Në këtë marrëveshje do të jenë firmat e presidentes së Kosovës Atifete Jahjaga dhe ndihmës drejtoreshës së Korpusit AmerikanPaqes, Helen Lowman, e cila sot do të jetë në Kosovë.

Sipas njoftimit zyrtar të presidencës, Kosova do të jetë vendi i 140-të ku do të punojnë vullnetarët amerikanë të korpusitpaqes.

Korpusi i Paqes ka nisur në vitin 1960 kur atëbotë Senatori amerikan, John F Kennedy i ka sfiduar studentët e Universitetit të Michiganit që t’i shërbejnë vendit të tyre me kauzën e paqes duke jetuar dhe punuar në një vend në zhvillim. /albeu.com/
Shtuar më 09/09/2013, ora 15:23
Shkruani komentin tuaj!
Të fundit nga kjo kategori