Serbia është në krye të listës së vendeve të Ballkanit porsa i përket rezervave të arit. Këshilli botëror për ar, ka publikuar një analizë porsa u përket rezervave të arit.
Serbia ka 13.1 tonelata ar në rezerva shtetërore dhe mban vendin e 59, Sllovenia ka vendin e 79-të me 3.2 tonelata ari, Shqipëria radhitet në vendin e 92-të me 1.6 tonelata ari.

Vendet tjera, si Kroacia, Bosnjë e Hercegovina, Mali i Zi dhe Maqedonia, Kosova fare nuk përmenden në raport.

Kosova aktualisht nuk raportohet se ka rezerva të arit as në Bankën Qendrore.
Në pasqyrat e fundit financiare të vitit të kaluar të BQK-së nuk figuron se vendi ka rezerva të arit, përpos rezervave monetare në euro.

“Në Bankën Qendrore të Kosovës nuk ka rezerva të arit”, konfirmon për gazetën “Zëri” një zyrtar i lartë i Bankës Qendrore, i cili nuk preferon të flasë me emër.
Ndërkohë që ari ka arritur çmimin më të lartë në histori me mbi 1817 dollarë për oncë. /albeu.com/

Rezervat shtetërore të arit
Serbia 13.1 tonelata ar
Sllovenia 3.2 tonelata ar
Shqipëria 1.6 tonelata ar