Agjencia Kundër Korrupsionit mirëpriti aktvendimin e Gjykatës Komunale në Prishtinë për dënimin me 2000 euro gjobë drejtorin e PTK , Ejup Qerimi, pasi e gjeti fajtor për mosshmangien e konfliktit të interesit, përkundër shumë vërejtjeve të cilat ia kishte bërë Agjencia Kundër Korrupsionit, transmeton Koha Ditore.

Që nga shkurti i këtij vitit, kur Qerimi është zgjedhur në funksionin e kryeshefit ekzekutiv të PTK-së, ishte në pozitën e konfliktit të interesit, ngase ushtronte edhe funksionin e anëtarit të Bordit të Trustit të Kursimeve Pensionale. /albeu.com/