Koha e përfundimit të misionit të UNMIK-ut
Kryeministri i Kosovës Hashim Thaçi në deklaratën e tij në mbledhjen e fundit më 14 qershor para fuqive botërore dhe anëtarëve rotativë të Këshillit të Sigurimit në New York, ka thënë se ka ardhur koha që ky Këshill të konsideroj përfundimin e misionit të UNMIK-ut në Kosovë.

Marrëveshja mes Kosovës dhe Serbisë parqet një moment të ri, të rëndësishëm dhe Këshilli duhet të miratojë një rezolutë të re që i jep fund mandatit të UNMIK- ut, shkruan RTK.

Ai tha se me këtë Këshilli i jep “mbështetje të dyja shteteve që të funksionojnë si fqinjë të pavarur dhe anëtarë me privilegje dhe përgjegjësi në shoqërinë ndërkombëtare”.

Për 14 vjet me radhë Këshilli i Sigurimit i Kombeve të Bashkuara ka mbajtur afër 60 seanca për Kosovën, nja 56 të rregullta ku shqyrtohej raporti tremujor i Sekretarit të Përgjithshëm, ashtu siç obligohej me rezolutën 1244 dhe nja tre-katër të jashtëzakonshme që thirreshin nga vendet anëtare varësisht nga zhvillimet e jashtëzakonshme, ku një e tillë ishte shpallja e pavarësisë së Kosovës më 17 shkurt, 2008. /albeu.com/
Shtuar më 24/06/2013, ora 10:24

Shkruani komentin tuaj!
Të fundit nga kjo kategori