Kocijançiç: Zgjedhjet, fokusi kryesor i takimit Thaçi-Daçiq
Fokusi kryesor i takimit të së dielës mes kryeministrave kosovar e serb, Hashim Thaçi e Ivica Daçiç, do të jenë sërish zgjedhjet lokale të 3 nëntorit.

Këtë ju ka thënë gazetarëve në Bruksel, Maja Kocijançiç, zëdhënëse e ndërmjetësueses së këtij dialogu, Catherine Ashton.

"Ashtu siç e kemi paralajmëruar, zonja Ashton të dielën do t’i takojë kryeministrat Thaçi dhe Daçiç për të 16-ën herë. Ata do ta vazhdojnë dialogun që është mbajtur në fund të muajit të tetë, që do të thotë se në atë takim do të diskutohet implementimi i marrëveshjes së prillit e fokusi kryesor do të jetë përgatitja e zgjedhjeve”, ka thënë Kocijançiç, e cituar sot nga Radio Evropa e Lirë.

Zëdhënësja e shefes për politikë të jashtme megjithatë ka thënë se zgjedhjet nuk do të jenë e vetmja temë që do të diskutohet, ndërsa nuk ka mundur të japë asnjë detaj ku kanë ngecur punët rreth telekomit dhe energjisë. /albeu.com/
Shtuar më 06/09/2013, ora 19:04
Shkruani komentin tuaj!
Të fundit nga kjo kategori