Koci: Të mos hiqet taksa, BE na ka tradhëtuar
Avokati i njohur, Arianit Koci ka kërkuar nga kryeministri i vendit, Ramush Haradinaj që të mos suspendojë tarifen ndaj Serbisë.

Koci ka reaguar pas kërkesës së BE-se ndaj Haradinaj për heqjen e taksës 100%.

Shkrimi i tij i plotë në Facebook:

Ramush, mos e suspendo tarifën ndaj Serbisë!

Partenrët kur hyjnë në negociata, veprojnë me mirëbesim: pa prapavija dhe lojëra pas perdeve, dhe duke e respektuar njëri tjetrin.

Me gjitha të metat që i kemi, me BE-në, kemi qenë korrekt – aq sa na kanë lejuar rrethanat konkrete politike.

Ashtu kemi vepruar edhe kur e kemi votuar demrakacionin.

Na kanë thënë që pas demarkcionit, liberalizimi është çështje e kryer.

Çka ka ndodhur?

Jemi tradhëtuar.

Tani po thonë që i kemi plotësuar të gjitha kriteret, por duhet vetëm edhe pak me pritë.

Fqinjët tanë kanë harruar se ku iu kanë liberlizuar vizat.

E kemi humbur besimin në BE.

Tash po kërkojnë suspendim të tarifës, me zëvëndësimin e emërtimit UNMIK me Kosovo.

Jo. Nuk mjafton!

Meqenëse jemi tradhëtuar, tani po e rrisim pazarin.

Suspedimin e tarifës e bëjnë vetëm nëse bëhet zëvëndësimi i emërtimit UNMIK me Kosovo, dhe LIBERALIZOHEN VIZAT.

Asgjë më pak!
Shtuar më 16/12/2018, ora 15:22
Shkruani komentin tuaj!
Të fundit nga kjo kategori