Koçi flet pas lirimit të Lushtakut: Akuzë e turpshme
Avokati Arianit Koci ka reaguar pas vendimit të Gjykatës Themelore të Prishtinës. Koci e ka quajtur vendim të drejtë shpalljen të pafajshëm të ish-kryetarit të Skenderajt Sami Lushtakut.

Sami Lushtaku ishte akuzuar që nga viti 2015 për rastin e njohur si KEK. Sot trupi gjykues i Gjykatës Themelore i kryesuar nga gjykatësi Beqir Kalludra ka shpallur të pafajshëm ish-komandantin e UÇK-së.

“Kjo aktakuzë ka qenë pjesë e fushatës që është bërë në atë kohë kundër Sami Lushtakut.

Kur prokuroria e ka parë që do t’i dështojë procesi i krimeve të luftës, kundër klientit tim, e ka hapur edhe këtë procedurë.

Kjo ka qenë aktakuzë e turpit për shkak se nuk ka pasur asnjë provë të vetme kundër z. Lushtakut.

Natyrisht, se në fund drejtësia fiton”, ka deklaruar Koci.
Shtuar më 20/05/2019, ora 10:23
Shkruani komentin tuaj!
Të fundit nga kjo kategori