Presidentja Atifete Jahjaga u takua në New York me ministrin e Jashtëm të Ishujve Bahame, Frederick Mitchell.

Jahjaga i ka bërë me dije ministrit Mitchell se Kosova po bën përparime dhe se kërkon të përforcojë imazhin e saj në arenën ndërkombëtare përmes njohjeve.

Ajo tha se pavarësia e Kosovës është legjitimuar edhe nga Gjykata Ndërkombëtare e Drejtësisë dhe se Kosova është e pranuar nga 108 vende të botës, anëtare të OKB-së.

Jahjaga theksoi se njohja e pavarësisë së Kosovës do të ndihmonte jo vetëm në stabilitetin e vendit por edhe për gjithë rajonin dhe do të siguronte një paqe të qëndrueshme./albeu.com/