KE i tregon Vuçiçit pse Kosova nuk është e njëjtë si Katalonia
Komisioni Evropian ka shpallur sot jokushtetues referendumin e Katalonisë. Sic raportojnë mediat serbe, KE ka vlerësuar se megjithatë rasti i Katalonisë nuk mund të krahasohet me atë të Kosovës.

“Kur ishte në pyetje njohja e Kosovës, ishte një kontekst shumë specifik. Ky qëndrim u miratua edhe nga deklaratat e ndryshme të OKB-së, rezolutat e saj dhe nga Bashkësia Ndërkombëtare për arsye të veçanta”, ka thënë zëdhënësi i Komisionit Evropian, Margaritis Shinas duke mos specifikuar për cilën rezolutë të OKB-së bëhet fjalë.

Pas referendumit katalanas dhe qëndrimit të Komisionit Evropian se referendumi është ilegal, ka folur presidenti i Serbisë, Aleksandër Vuçiç.

“Në rastin e Katalunisë referendumi është i pavlefshëm për pavarësi, ndërsa në rastin e Kosovës ajo mund të shkëputet, dhe pa asnjë referendum”, tha Vuçiç.

Ndërkaq, Qeveria e Kosovës ka lenë të kuptohet se nuk ka për ta njohur një shtet katalanas pavarësisht se Spanja nuk e njeh Kosovën.
Shtuar më 02/10/2017, ora 14:45

Shkruani komentin tuaj!
Të fundit nga kjo kategori