Kasapi i Bosnjës dënohet me burgim të përjetshëm (FOTO LAJM)

Ish kreu ushtarak serb boshnjak Ratko Mlladiç sot është dënuar për gjenocid dhe krime kundër njerëzimit, me burgim të përjetshëm për mizoritë gjatë luftës së Bosnjës 1992-1995.

Gjykatësi kryesues Alphons Orie lexoi gjykimin ndërsa krimineli serb i akuzuar për vrasjen e më shumë se 8 mijë boshnjakëve, Ratko Mlladic është nxjerrë me zor nga salla.

Kjo për shkak se ai u ka bërtitur gjykatësve, duke krijuar një situatë shumë të tensionuar.

Tribunali për krime të luftës i Kombeve të Bashkuara, ka shpallur aktgjykimin për ish-komandantin e forcave serbe të Bosnjës, Ratko Mlladic dhe e ka dënuar me burgim të përjetshëm.

I njohur si “Kasapi i Bosnjës”, Mlladiqi është i akuzuar për gjenocid, krime kundër njerëzimit dhe krime të luftës.

Mlladiqi mbahet përgjegjës për ekzekutimin e 8 mijë burrave myslimanë në korrik të vitit 1995, që njihet si mizoria më e madhe e kryer në Evropë pas Holokaustit.

Vendimi për Mlladicin do të jetë gjykimi i fundit nga tribunali që ishte themeluar në Hagë, në vitin 1993, për dënimin e krimeve të kryera në luftërat ballkanike në vitet e 90-ta.

Ndër të tjera Mlladiq, akuzohet për vrasje, torturë, dhunime, shfarosje dhe bombardime. Mlladici i ka hedhur poshtë të gjitha akuzat ndaj tij. /albeu.com/
Shtuar më 22/11/2017, ora 12:36

Shkruani komentin tuaj!
Të fundit nga kjo kategori