Ndarja e Eder Militao dhe Carolina Lima papritur doli e zhurmshme. Çifti ishte së bashku prej një viti dhe pak ditë para lindjes së vajzës së tyre, modelja habiti abonentët në rrjetet sociale me lajmin e ndërprerjes së marrëdhënieve me mbrojtësin madrilen, shkruan albeu.com.
“Ne morëm vendimin e duhur për t’i dhënë fund marrëdhënies sonë. Ne do të jemi gjithmonë të lidhur nga Cecilia, ajo është një prioritet për ne”, ka shkruar Lima.
Sipas brazilianit dhe gjykuar nga publikimet në rrjetet sociale, Eder ka qenë me të gjatë gjithë periudhës së shtatzënisë dhe ndarja e tyre dukej pak a shumë miqësore. Nuk dihet se çfarë mendon Militao për të gjitha këto, pasi ai shpërndau komente në mënyrë diskrete, duke u kufizuar në fshirjen e fotove dhe videove nga rrjetet sociale me ish-të dashurën e tij.
Tani rezulton se gjithçka nuk është aq rozë: Eder ka vendosur të padisë Carolinën për shpifje, sipas UOL Esporte. Futbollisti do të thoshte se i nënshtrohet ngacmimeve të vazhdueshme, ofendimeve dhe sulmeve verbale, nga abonentët e modeles, gjoja të provokuara prej saj. /albeu.com/
