Kacin: Serbia të respektojë marrëveshjen
Raportuesi për Serbinë i Parlamentit Evropian, Jelko Kacin, u ka bërë thirrje autoriteteve serbe që të vazhdojnë me zbatimin e Marrëveshjes së Brukselit, luftën kundër korrupsionit dhe reformën gjyqësore.

Sipas mediave serbe, ai ka thënë se marrëveshja për normalizimin e marrëdhënieve mes Kosovës dhe Serbisë ka rëndësi historike dhe se zbatimi i saj është tejet i rëndësishëm, bën të ditur "RTK".

“Zgjedhjet lokale në Kosovë paraqesin një test të rëndësishëm. Normalizimi i marrëdhënieve do të ketë probleme edhe në të ardhmen, por unë besoj fuqishëm se ky proces është i pakthyeshëm”,-ka thënë ai.

Raportuesi i ka bërë këto komente në takimin e Këshillit për Politikë të Jashtme të PE-së, në lidhje me përparimin e Serbisë drejt BE-së. /albeu.com/
Shtuar më 24/10/2013, ora 17:28

Shkruani komentin tuaj!
Të fundit nga kjo kategori