Kabashi: Ekzistonin informata mbi inkriminimin e Mustafit
Ismet Kabashi
Kryeprokurori i shtetit Ismet Kabashi ka raeguar pas arrestimit të shefit të Task Forcës, anti-korrupsion në Kosovë, Nazmi Mustafi duke deklaruar se ekzistojnë informata të cilat e inkriminojnë prokurorin e arrestuar edhe për raste të tjera.


“Me anë të kësaj deklarate shpreh indinjatën e thellë, për faktin se një prokuror i sistemit prokurorial dhe njëherësh udhëheqës i Task Forcës anti-korrupsion, në kuadër të Prokurorisë Speciale të Republikës së Kosovës, ka rënë në kundërshtim me ligjin dhe dyshohet të ketë kryer vepra penale, për luftimin e së cilave vepra kishte pozitë kyçe në sistemin prokurorial”, thuhet në komunikatën e prokurorisë së shtetit.

Sipas prokurorisë ekzistojnë edhe raste të tjera të natyrës së njëjtë, me të njëjtin prokuror ndërsa ftohet publiku që të ofrojë informata lidhur me këtë rast. /albeu.com/
Shtuar më 04/04/2012, ora 09:50

Shkruani komentin tuaj!
Të fundit nga kjo kategori