Jakupi i vjedh këngën "Trojës"
Grupi "Troja" ka reaguar ashpër duke e quajtur hajni banale vjedhjen e këngës së tyre nga Kryetarin e Kuvendit të Kosovës Jakup Krasniqi. Në një reagimin e tyre të botuar në KD, grupi shkruan se nëse duan të luftojnë hajninë, atëherë nuk munden me ia vjedh dikujt pronën në emër të luftës kundër hajnisë.

"Në vend që të shkruajmë sot për diçka të mençur, ne duhet të merremi me këto hajni banale që në asnjë vend normal nuk mund të ndodhin", kanë shtuar ata.

Grupi "Troja" ka shkruar edhe për historikun e vjedhjes së këngës së tyre nga udhëheqësi i Parlamentit.

Fillimisht, ata nuk kishin besuar se "Baca Jakup" mund të bënte një gjë të tillë.

"Na thanë se "Partia e Bacës Jakup" po na e përdorë njenën prej këngëve tona në fushatë (përndryshe na fushatat nuk i kemi hiq për qejfi). Si në një zë, thamë: "Jo bre, nuk është e mundur kjo, në një shtet ligjor!!!". Dhe thamë, "Nuk na e merr mendja që Kryetari i Kuvendit mundet me ba asi gabimi!"", kanë shkruar ata.

"Si mundesh me e përdor një send që nuk është i yti pa e pyet kërkend", kanë pyetur Troja.

Grupi "Troja" thonë se janë inatosur edhe më shumë kur kanë marrë pyetje prej qytetarëve nëse janë me "Partijen e Bacit Jakup"."Po, krejt shqiptaria e dijnë se "Troja" nuk është me asnjë parti", kanë shkruar ata, transmeton Express.

Sipas "Trojës", rasti i Jakup Krasniqit është i treti që po ju vidhet kënga nga politikanët. /albeu.com/

Shtuar më 19/10/2013, ora 14:46

Shkruani komentin tuaj!
Të fundit nga kjo kategori