Jakup Krasniqi i përgjigjet Adem Grabovcit, tregon a e ka falur për ofendimet
Ish-shefi i Grupit Parlamentar të Partisë Demokratike të Kosovës, Adem Grabovcit i janë nevojitur përafërsisht shtatë vite që të kërkojë falje publike nga dy ish-kolegët e tij. Ai vetëm sot i ka kërkuar falje, Jakup Krasniqit dhe deputetes Flora Brovina, kësaj të fundit që i kishte kërkuar falje edhe në të kaluarën.

Grabovci në një bisedë me ish-kryeministrin, tani president, Hashim Thaçin, e kishin quajtur Jakup Krasniqin me termin “Jakupovski”.

Kryetari i Këshillit Kombëtar i Nismës Socialdemokrate, Jakup Krasniqi, ka thënë se kërkim falja e Grbovcit është e vonë, por shton “më mirë vonë sesa kurrë”.

“Gjithçka që kam pasur ta them e kam thënë, nuk po du të merrem më me të. Një fjalë e urtë e popullit thotë: më mirë vonë sesa kurrë”, ka thënë Krasniqi.

I pyetur se a e ka falur Grbovcin për fjalimin e tij në “Dosjën e Shefave”, ai thotë “nuk po them që e kam falur e as që nuk e kam falur”.

“Nuk po them që e kam falur e as që nuk e kam falur. Nuk po du të merrem me të”, ka thënë Krasniqi.

Në një bisedë telefonike, Thaçi e pyeste Grabovcin, se a ka ndryshuar Jakup Krasniqi.

“A ja kish lon’ ktij (Jakup Krasniqit) naj troh hiq?”, pyeste Thaçi.

“Po ja ka lon. Po ai është me sheqer, burrë i fortë. Në mbledhje të grupit aty nisi do far filozofie pa lidhje.”, ia kthente Grabovci në mbledhjen e Kryesisë gjatë diskutimit për Buxhetin e Kosovës për vitin 2012.

Prokuroria Speciale e Kosovës sot ka ngritur aktakuzë në rastin e quajtur “Pronto” dhe në mesin e të akuzuarve ë akuzuarve është edhe Adem Grabovci. /albeu.com/
Shtuar më 06/04/2018, ora 20:28
Shkruani komentin tuaj!
Të fundit nga kjo kategori