Jahjaga nuk shkon në seancën gjyqësore
Pëlqej
Atifete Jahjaga
Është mbajtur seanca dëgjimore në lidhje me padinë për shpifje ndaj ish-Presidentes Atifete Jahjaga.

Jahjaga ka munguar në seancë, ndërsa është përfaqësuar nga avokati i saj, Arianit Koci.

Kunetërit e Shyhrete Berishës, të mbijetuarës së masakrës nga Suhareka të vitit 1999 kanë paditur ish-Presidenten Jahjaga për shpifje.

Padia lidhet me deklaratën e Jahjagës se “Shyhrete Berisha është nxjerrë zhag nga shtëpia ku kishte jetuar me burrin dhe fëmijët e saj”.

Familja Berisha është tërhequr nga kërkesa për caktimin e masës së sigurisë, mirpo jo edhe nga padia ku ata kërkojnë 250 mijë euro dëmshpërblim nga Atifete Jahjaga, njofton Klan Kosova.

Avokati i Jahjagës, Koci, ka thënë se “padia është dorëzuar pas afatit të paraparë ligjor dhe si e tillë është dashur të hidhet poshtë menjëherë”.


Shtuar më 14/02/2018, ora 10:14
Shkruani komentin tuaj!
Të fundit nga kjo kategori