Presidentja e Kosovës, Atifete Jahjaga ka deklaruar se vizita në Shtetet e Bashkuara të Amerikës (SHBA) paraqet konfirmim të marrëdhënieve të mira miqësore mes të dyja vendeve.

Jahjaga tha se ka marrë mbështetjen e fuqishme të zyrtarëve të lartë amerikan për të ardhmen e Kosovës.

Presidentja e Kosovës, Atifete Jahjaga deklaroi se ndër prioritetet e punës së saj do të jetë angazhimi në luftimin e krimit të organizuar dhe korrupsionit.

Jahjaga tha se Kosova është faktor i rëndësishëm i paqes dhe stabilitetit në rajon. Ajo shtoi se shteti i Kosovës është i gatshëm për të marr pjesë në të gjithë mekanizmat ndërkombëtar.