Presidenti i Serbisë, Tomislav Nikoliç është munduar që të përdorë paraqitjen në Këshillin e Sigurisë në OKB për të shmangur takimin që do ta ketë në Beograd me shefin e qeverisë shqiptare, Edi Rama.

Seanca e rradhës e KS të OKB-së ka qenë e planifikuar që të mbahet më datë 10 nëntor, kur edhe Edi Rama do të shkojë në kryeqytetin e Serbisë.

Ka qenë e planifikuar që përfaqësimi i Kosovës dhe i Serbisë në seancën e radhës të jetë në nivelin e ministrave të Jashtëm. Por, kabineti i ministrit të Jashtëm të Serbisë Ivica Daçiq ka kërkuar që të shtyhet seanca pikërisht për shkak të vizitës së Ramës në Beograd.

Megjithatë, Argjentina, shteti kryesues i Këshillit të Sigurimit ka marrë edhe një shkresë nga kabineti i presidentit Nikoliq, kanë bërë të ditur burime diplomatike të gazetës Tribuna.

Kreu i shtetit serb ka kërkuar që seanca të mbahet më 10 nëntor, por që niveli i përfaqësimit të Kosovës dhe Serbisë të jetë presidencial, pra që aty të marrin pjesë presidenti i Serbisë Tomisllav Nikoliq dhe presidentja e Kosovës, Atifete Jahjaga.

Në këtë mënyrë, Nikoliçi ka dashur të shmangë takimin me Ramën në Beograd./albeu.com/