Ja si u mundua Hashim Thaçi të prishë koalicionin VLAN
Hashim Thaçi kishte arritur ta kuptojë që më përpara se të nenshkruhej LAN se Haradinaj, Mustafa dhe Limaj do të ishin në koalicion me njëri-tjetrin.

Për këtë arsye, Thaçi iu ka dërguar liderëve partiakë në koalicion secilit veç e veç një "ndërmjetës" që të bashkëpunojnë me PDK-në.

Madje, duke iu ofruar atyre edhe poste në pushtet, shkruajne mediat kosovare.

Mirëpo, asnjë nga liderët partiakë nuk e ka pranuar ofertën e Thaçit.

Një zyrtar i lartë i VLAN, ka thënë se kur kanë qenë në zyrat e AAK-së, pak para se të nënshkruhet marrëveshja, Thaçi e ka marrë në telefon dhe i ka kërkuar të mos e nënshkruajë marrëveshjen, përkundër ofrimit të posteve në qeveri.

Nga ndarja e bllokut, PDK-ja nuk ka hequr dorë asnjëherë.

Thaçi ka dashur ta pengojë më tej edhe koalicionin e LAN-it me Vetëvendosjen.

Sekretari i VV-së, Dardan Molliqaj ka deklaruar publikisht se njerëz të Hashim Thaçit i kanë garantuar edhe postin e kryeministrit Vetëvendosjes, vetëm që të lidhej koalicion./albeu.com/
Shtuar më 08/10/2014, ora 15:08

Shkruani komentin tuaj!
Të fundit nga kjo kategori