Sekretari shtetëror në Ministrinë serbe për Kosovën, Oliver Ivanoviç ka deklaruar se presidenti dhe kryeministri i ri i Serbisë nuk do të jenë pjesë e ekipit negociator serb në vazhdimin e dialogut me Prishtinën.

Ai mendon se një gjë e tillë do të nëkuptonte njohje direkte, ose e tërthortë e pavarësisë së Kosovës. “Mendoj se presidenti, por edhe kryeministri i ardhshëm duhet të ruhen që të mos bien në këtë kurth, që të zhvillohen në takime bilaterale me dikë që nuk e pranojnë”, ka thënë Ivanoviç për agjencinë serbe të lajmeve, Tanjug.


“Mund të supozohet se në vendin tonë do të jetë një pozicion politik, por unë besoj se kjo do të varet nga qëndrimi i qeverisë së re serbe, “ tha ai. /albeu.com/