Ivanoviç fyen shqiptarët: Lobojnë me femra
Milan Ivanoviç ka fyer rëndë nderin e shqiptarëve duke thënë se lobojnë më para dhe me femra. Një deklaratë e tillë vjen pas lajmit se komandanti i KFOR-it Erhard Buhler nuk do të largohet i vetëm nga Kosova por me një nuse shqiptare.

Këtë lajm politikanët serbë të Kosovës e komentuan me fyerje të rënda duke vënë në lëvizje edhe mediat serbe.

“Lidhja emotive e shefit të KFOR-it me një shqiptare e diskrediton atë si bashkëbiseduesin e parë të bashkësisë ndërkombëtare në lidhje me krizën në veriun e Kosovës”, shkruan “Pres”.

Milan Ivanovic, kryetar i Këshillit Nacional serb të veriut të Kosovës, ka thënë për “Pres” se “lidhja e shqiptareve të Kosovës me funksionarë të lartë të bashkësisë ndërkombëtare, është dukuri kronike”.

“Shqiptarët te ndërkombëtarët lobojnë ose me para ose me femra. Kjo është taktika e tyre. Ta kujtojmë Michael Steinerin, shefin e UNMIK-ut, i cili është ‘lidhur’ me një shqiptare e cila e ka braktisur posa i përfundoi atij mandati... Buhler shihet ashiqare që nuk është miqësor me serbët, ndërsa këtu flitet se babai i ka shërbyer në njësitet gjermane në vitin 1941”, ka thënë Ivanovic.

Ai ka vazhduar me fyerjet se “shqiptarët janë të prirë për të ‘montuar gra’, ndërsa njerëzit e fortë janë siguruar përmes privatizimit në Kosovë”.

“Pothuaj të gjithëve u janë siguruar vende në këshillat drejtues të kompanive të profitit të lartë. Kështu e kanë siguruar Madeleine Albright, të ndjerin Richard Holbrooke, Ëesley Clark... Ndaj, nuk është çudi se të gjithë ata njerëz kanë luftuar për interesat e shqiptarëve më shumë se shtetet e tyre”.

Ivanovic shkon tutje me insinuata, duke folur për “lidhjet e mafies shqiptare me përfaqësuesit e bashkësisë ndërkombëtare në Kosovë”, pastaj se “Marti Ahtisaari ka marrë para nga mafia shqiptare” dhe se emri i këtij të fundit “ndërlidhet me dërgimin e vajzave si dhuratë ‘bonus’”. /albeu.com/
Shtuar më 10/08/2011, ora 16:36
Shkruani komentin tuaj!
Të fundit nga kjo kategori