Ish-zëvendëskryeministri i ish-Jugosllavisë, Nikola Sainoviç, i shpallur fajtor për krime lufte në Kosovë do të vuajë dënimin në një burg të Suedisë.

Ai bëhet dhe krimineli i katërt serb që vuan dënimin në këtë burg.

Sainoviç është shpallur fajtor nga Gjykata e Hagës për vrasje, persekutim politik, vrasje për arsye raciale dhe fetare kundër shqiptarëve , shkruan BIRN.

Nikola Sainoviç do të vuajë 18 vjet burg.

Sainoviçi ka qenë krahu i djathtë i Millosheviçit dhe është dënuar së bashku me tre ish-gjeneralë të tjerë të ish-Jugosllavisë, Nebojsa Pavkoviç, Vladimir Lazareviç, dhe Streten Lukiç. /albeu.com/