Ish-rektori regjistroi 16 kandidatë në doktoraturë në mënyrë të paligjshme
Katër ditë para se ta përfundonte mandatin trevjeçar si rektor i Universitetit të Prishtinës, Mujë Rugova ka nxjerrë dy vendime, sipas të cilave të drejtën e regjistrimit të doktoratës në Fakultetin Juridik e kanë fituar 16 kandidatë, nëntë prej tyre me vendimin 2/617, të datës 26 shtator dhe shtatë me vendimin 2/66 të datës 28 shtator 2012.


Zyrtarët e UP-së e pranojnë se vendimet e Rugovës janë të kundërligjshme, porse nuk mund të riparohen.

Sipas Koha Ditore, për tre nga shtatë kandidatët e pranuar me vendimin e ish-rektorit Rugova, të datës 28 shtator 2012, nuk është shënuar se në cilat programe e kanë fituar të drejtën e regjistrimit. Në vendimin që e ka siguruara gazeta, për tre kandidatët në vend të programit në të cilin ata janë regjistruar shkruan “pa program”. Për katër të tjerët, ndërkaq, janë shënuar emrat e programeve në të cilat janë regjistruar kandidatët. /albeu.com/
Shtuar më 24/01/2013, ora 10:10

Shkruani komentin tuaj!
Të fundit nga kjo kategori