Presidentja e vendit, Atifete Jahjaga mirëpriti aprovimin e Studimit të Fizibilitetit për Marrëveshjen e Stabilizim-Asociimit ndërmjet Republikës së Kosovës dhe Bashkimit Evropian.


Në një njoftim të Presidencës lidhur me këtë thuhet se Jahjaga konsideron se vendosja e marrëdhënieve kontraktuale ndërmjet Kosovës dhe BE-së do të ketë ndikim të rëndësishëm në proceset demokratike dhe nxitjen e reformave të brendshme, si dhe në avancimin e zhvillimit ekonomik të vendit, duke ofruar gjithashtu stabilitet për investitorët e jashtëm. Presidentja ka shprehur mirënjohje Komisionit Evropian dhe të gjitha vendeve anëtare të saj, si dhe shpreh gatishmërinë dhe përkushtimin e institucioneve për të vazhduar me përmbushjen e reformave të kërkuara nga BE./albeu.com/