Organizata joqeveritare "Iniciativa për progres" (INPO) e ka vlerësuar të premten si të dëmshëm vonesën për rikonfirmimin e qeverisë komunale të Ferizajt, ndërsa drejtues të pushtetit kanë thënë se nuk ka kurrfarë vakumi institucional, ngase dy institucionet kryesore të pushtetit Kuvendi dhe kryetari janë funksionale.

Gjatë një konference për shtyp, zyrtarë të kësaj organizate kanë thënë se edhe pas dy javësh nga përfundimi i procesit zgjedhor dhe një jave nga marrja e detyrës nga kryetari i posa zgjedhur ende nuk ka një rikonfirmim të mandatit të drejtorëve të drejtorive komunale apo një rikonfigurim të qeverisë komunale. /albeu.com/