Ibush Kllokoqin nuk e vrau SHIK-u
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Njeriu që deklaron se kishte shërbyer në SHIK, ka rrëfyer për veprimtarinë e tij gjatë kohës sa ishte në këtë shërbim, marrjen në pyetje të inspektorit të UDB-së, Ibush Kllokoqit dhe gjëra tjera. Naim Miftari ka pohuar se Ibush Kllokoqi është vrarë se ka ditur shumë.

Ai tha se nga hierarkia është takuar me Kadri Veselin. Ndërkaq Azem Syla, sipas tij, kurrë nuk ka qenë në SHIK, derisa për Nazim Bllacën thotë se nuk e ka njohur kurrë.

Sipas Express, prokurorja e EULEX-it, Ema Rizato nuk u nda fort e kënaqur me përgjigjet e dëshmitarit që e kishte ftuar vetë. Naim Miftari, i deklaruar si agjent i Shërbimit Informativ të Kosovës, nuk e ka folur asnjë fjalë të keqe për shërbimin të cilit pretendon se i kishte shërbyer për shumë vjet. Sipas tij, SHIK-u dhe njerëzit e tij asnjëherë nuk kanë pas urdhër as të arrestojnë e assesi të vrasin njerëz.

Dëshmitari nga fshati Bequk i Vushtrrisë ka dëshmuar të enjten në procesin gjyqësor Bllaca II, ku gjashtë persona akuzohen për vrasje dhe tentim vrasje të pasluftës, ndërsa dëshmitar bashkëpunues i gjykatës është Nazim Bllaca, i cili ka thënë se ishte agjent i SHIK-ut.

Naim Miftari tha se nuk e njeh fare Nazim Bllacën e madje as që e di kush fshihet pas shifrës Seiko, shifër kjo të cilën Bllaca kishte deklaruar se e mbante sa ishte në SHIK.
“Nofkën ‘Seiko’ e kam parë në disa raporte, konkretisht pas disa fotove, por jo edhe emrin e Nazim Bllacës dhe nuk kam dëgjuar se e kishte këtë nofkë”, tha Miftari. Miftari tregoi gjerë e gjatë për periudhën gjatë dhe pas luftës.


“Kam punuar në SHIK dhe pas arritjes së marrëveshjes na kanë thënë se nga UÇK-ja do transferohen shumë persona në SHIK dhe do të kryhet e njëjta punë. 99 për qind e stafit ishte nga UÇK-ja, ZKZ-ja e G2”, tha Naim Miftari. /albeu.com/
Shtuar më 27/07/2012, ora 09:49
Shkruani komentin tuaj!
Të fundit nga kjo kategori