Xavi Hernandez ka zbuluar arsyen e refuzimit që ia bëri Barcelonës në janar, në ofertën për të marrë drejtimin e skuadrës.
Ish mesfushori i kësaj skuadre, ka pranuar se kanë ekzistuar kontaktet me Barcelonën, por e refuzoi ofertën shkaku i “problemeve institucionale”.
“Ka shumë zëra rreth klubit për momentin, ka shumë probleme që nuk lidhen me fushën prandaj nuk mendoj se është koha e duhur për t’u kthyer në klub”, ka deklaruar Xavi.
“Në janar i thash drejtuesve të klubit se nuk ishte koha e duhur për të marrë përsipër ekipin dhe ata nuk më thirrën më”, shtoi ai.
“Jam i lumtur që vazhdoj të fitoj përvojë dhe natyrisht se do të dëshiroja të isha trajner i Barcelonës një ditë”.
