Hoxhaj, mirënjohje Ganës për njohjen e Kosovës
Pëlqej
Ministri i Punëve të Jashtme i Republikës së Kosovës, Enver Hoxhaj, ka pritur sot në takim ambasadorin e Ganës në Turqi, jo-rezident për Kosovën, Alhaji Ibrahim Abass, i cili i ka dorëzuar kopjet e letrave kredenciale.

Kjo është vizita e parë në Kosovë e ambasadorit të Ganës, pas vendosjes së marrëdhënieve diplomatike në tetor të vitit 2012.

Dy zyrtarët diskutuan mbi progresin e madh që është arritur në Kosovë në të gjitha fushat.

“Përtej njohjes dhe vendosjes së relacioneve formale, Republika e Kosovës është e interesuar që të kemi një dimension të gjerë bashkëpunimi në ekonomi, tregti, kulturë dhe shkëmbime ndërmjet dy shoqërive tona”, tha ministri Hoxhaj.

Ambasadori jo-rezident i Ganës në Kosovë, Alhaji Ibrahim Abass, ka shprehur përkushtimin e tij për të ndërtuar marrëdhënie të fuqishme ndërmjet Ganës dhe Kosovës./albeu.com/

Shtuar më 10/10/2013, ora 13:56
Shkruani komentin tuaj!
Të fundit nga kjo kategori