Hoxhaj: Kosova dhe Shqipëria me dy konsullata të përbashkëta në Turqi dhe në Danimarkë
Enver Hoxhaj, Ministri i Punëve të Jashtme të Kosovës, po qëndron në Tiranë ku po merr pjesë në Samitin e Diasporës.

Ministri Hoxhaj gjatë fjalës së tij ka theksuar rolin e diasporës shqiptare në zhvillimet në Kosovë dhe Shqipëri.

Ai ka thënë se arritjet e shqiptarëve kanë qenë edhe mision i diasporës shqiptare, e cila ka qëndruar pranë bashkëkombasëve të vet historikisht, që nga formimi i shtetit shqiptar, përpjekjet për liri të shqiptarëve që jetonin në ish-Jugosllavi, përpjekje e cila kulminoi me pavarësinë e Kosovës në vitin 2008.

Kryediplomati Hoxhaj ka konfirmuar Prishtinën, si pritëse të Samitit të ardhshëm të Diasporës.

Si dhe ka shpalosur planet e përbashkëta të ministrive të punëve të jashtme të Kosovës dhe Shqipërisë, ku ka njoftuar se shumë shpejtë do të hapen edhe dy konsullata të përbashkëtaTurqi dhe në Danimarkë.

“Misioneve tona të përbashkëta konsullore, do t’u shtohen së shpejti edhe dy të tjera në Danimarkë dhe në Turqi”, ka deklaruar Hoxhaj./albeu.com/


Shtuar më 19/11/2016, ora 15:43
Shkruani komentin tuaj!
Të fundit nga kjo kategori