Shefi i Grupit Parlamentar të LDK-së, Avdullah Hoti, i është kundërpërgjigjur deputetit të Vetëvendosjes, Glauk Konjufca, për atë që ka thënë se partia e Isa Mustafës me votimin e demarkacionit po bën vetëvrasje politike.

“VV përmes Konjufcës dhe Kurtit po thonë se “LDK me votimin e demarkacionit, po bënë vetëvrasje politike“?! Ata po harrojnë se është pikërisht e kundërta”, ka thënë Hoti.

“Ata po harrojnë se për mosvotimin e demarkimit janë mobilizuar të gjithë armiqtë e Kosovës se pavarur, të gjithë armiqtë e shqiptarëve”.

Hoti ka thënë se Vetëvendosje me këtë veprim po e shndërron Listën Serbe në vendosëse për Kosovën.

“Për ne si LDK, atdheu është mbi të gjitha, e jo partia. Kaq e thjeshtë është kjo punë për ne, tash e 30 vite”. /albeu.com/