Ligji për lejimin e hetimeve të EULEX-it në Shqipëri, për të verifikuar akuzat e Dick Marty-t, ka zgjidhur vetëm një situatë politike, për kompetencat dhe privilegjet që i ka dhënë një autoriteti të huaj. Kështu është shprehur në një intervistë për Top Channel ish-Prokurorin e Përgjithshëm të Shqipërisë, Arben Rakipi.



"Them se ka zgjidhur situatë politike, duke e marrë në tërësi, si tek kompetencat, privilegjet, mënyrën e komunikimit të autoritetit të huaj, ashtu deri tek një mungesë totale reciprociteti, kur vjen fjala për situata të ngjashme, të cilat shqiptarët mund t'i kenë patur në jetët ose kurrizin e tyre. Gjëmat që ata kanë vuajtur gjatë këtyre viteve dhe askush nuk është kujdesur që të bëjë një ligj të ngjashëm, në mënyrë që t'i lejojë shqiptarëve për të verifikuar çfarë ka ngjarë me ta", thotë Rakipi.

Për ekspertin e jurisprudences, shume dispozita të këtij ligji do të krijojnë një ngërç juridik, pasi janë edhe pjesë e Kodit të Procedurës Penale dhe nga pikëpamja juridike ky kod në vend, është një ligj hierarkik më i lartë.Dhënia e imunitetit diplomatik EULEX-it është një paragjykim për Arben Rakipin, se këtij organi mund t'i ndodhe diçka ne Shqipëri, duke shprehur qartë kundërshtinë e tij për nenin 14 të këtij ligji. /albeu.com/