Hetime në veri
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Në veriun e Kosovës nata ka kaluar e qetë dhe pa incidente, përkundër faktit se në lokacionin Kroi i Vitakut, policia ka pasur një fokus të veçantë, raportojnë zyrtarët e Policisë së Kosovës, për rajonin e Mitrovicës.

Zëdhënësi i policisë, Besim Hoti, i ka thënë Radios Evropa e Lirë se policia është duke bërë hetime intensive lidhur me incidentin, ku u vra një person dhe u plagosën dy të tjerë në këtë lokacion, dy ditë më parë.

“Kemi një proces të shtuar, intensiv, të zhvillimit të hetimeve nga sektori i hetimeve të krimeve të rënda në drejtorinë rajonale në Mitrovicë, të mbështetur nga komponenta kryesore e EULEX-it. Por, deri në këtë fazë ka qenë kryesisht mbledhja e provave, dëshmive materiale dhe dëshmive të cilat mund të lidhen në procesin e hetimeve, deri te identifikimi i personave të dyshimtë”, tha Hoti.

Ai ka thënë se deri në këtë fazë janë intervistuar së paku 8 persona, për të marrë detajet shtesë rreth asaj që ka ndodhur në natën e incidentit, por policia ende nuk ka arritur që të dalë me një emër të ndonjë të dyshuari të mundshëm.
Shtuar më 11/11/2011, ora 10:48
Shkruani komentin tuaj!
Të fundit nga kjo kategori
 
Një avion i linjave egjiptiane ka kryer ulje të detyruar në aeroportin e Larnakes në Qipro, në orën 8:46. 

Ai ka liruar te gjithe pasagjeret, por jo ekuipazhin e avionit

Një avion i linjave egjiptiane ka kryer ulje të detyruar në aeroportin e Larnakes në Qipro, në orën 8:46. Ai ka liruar te gjithe pasagjeret, por jo ekuipazhin e avionit