Heshtja e frikshme e Albin Kurtit për bashkimin Kosovë-Shqipëri
Koment nga Ervin Shkulaku

Albin Kurti është politikani më i njohur nga Kosova në diasporën shqiptare vetëm për arsyen se ka qenë i vetmi që e ka kërkuar publikisht bashkimin e Kosovës me Shqipërinë.

Por, në Kosovë nuk ka marrë asnjëherë votat e mjaftueshme për ta formuar qeverinë dhe si pasojë gjithmonë ka qenë në opozitë. Ai nuk ka gjetur edhe shumë mbështetje për idenë e tij pasi shumica nuk i kanë besuar dhe se nuk mund të ishte reale për situatën aktuale.

E megjithatë po bën një muaj që Albini po i cudit edhe shqiptarët e diasporës pasi në një kohë që po flitet për ndryshim kufijsh nuk po e përmend bashkimin e Kosovës me Shqipërinë.

Hashim Thaçi, një politikan i paqëndrushëm politikisht këtë herë ka dalë me idenë se Lugina e Preshevës dhe zonat shqiptare duhet t'i bashkohen Kosovës. Natyrisht ende nuk e ka pranuar që edhe Serbia kërkon diçka nga Kosova por shumica e marrëveshjeve të Thaçit kanë qenë të dhimbshme për Kosovën, kurse kjo do të jetë më e dhimbshmja.

E kundër Thaçit ka protestuar fuqishëm edhe Albin Kurti, këtë herë jo me protesta siç edhe njihet por me postime në Facebook. Kurti i cili deri vonë nuk kishte faqe në këtë rrjet social ia ka nisur ta godasë fort Thaçin se po ndan Kosovën, është i rrezikshëm etj.

Por natyralisht lind pyetja se pse në një kohë thashethemesh për ndryshim kufijsh, Kurti nuk po e kërkon bashkimin me Shqipërinë?

Natyrisht nëse e kërkon këtë nuk do të thotë se do të bashkohen shqiptarët pasi është e pamundur në këto kushte por një kërkesë e tij me ngulm në këtë kohë mund të ndalë Thaçin, ose më saktë mund të ndryshojë projektet e ndërkombëtarëve.

E dimë shumë mirë se pjesa më e madhe e kufirit të Egjiptit u vizatua me vizore, prandaj nëse keni menduar se është rastësi që Egjipti e ka vijën kufitare të drejtë, e keni pasur gabim. Shtetet e fuqishme e kanë vizatuar në tavolinë hartën e tij.

Prandaj një kërkesë e Kurtit do t'i bindë më tepër ndërkombëtarët se ndryshimi i kufijve mund të sjellë pasoja reale për ndryshime të tjera të kufijve. Por, Kurti hesht!!! Normal edhe ndërkombëtarët i frikësohen kësaj marrveshje dhe vazhdimisht Bashkimi Evropian po e deklaron se marrëveshja Kosovë-Serbi nuk duhet të jetë shembull për asnjë shtet por unike në llojin e saj.

Paqartësia edne vazhdon dhe vetëm pas datës 7 shtator do të kemi ndonjë detaj tjetër zyrtar se për çfarë marrëveshje po flitet.

Derisa po flitet për ndryshim kufijsh, korrigjim etj, vëmendja duhet përqëndruar edhe tek raportet Gjermani-SHBA ose më saktë Merkel-Trump. Këto kohë ka tensione mes tyre dhe duhet të shpresojnë që tensionet e tyre të mos kenë asnjë ndikim te ne pasi të dyja shtetet janë aleatë dhe mbështetës të Kosovës dhe gjithë shqiptarëve./albeu.com/
Shtuar më 02/09/2018, ora 14:26

Shkruani komentin tuaj!
Të fundit nga kjo kategori