Kosovari Lul Raka po ndihmon njerëz në Monrova të Liberisë, të cilët janë prekur nga sëmundja më e rrezikshme aktualisht në botë, Ebola.

Raka është epidemiolog dhe tashmë është bërë aktivisht një vullnetar i devotshëm kundër sëmundjes së rëndë.

“Heroi i qendrës është një fëmijë 4 muajsh, i quajtur Natanian. Fillimisht babai i vdiq nga Ebola, kurse para 14 ditësh e gjetën në repart duke thithur gjirin e nënës së tij të sëmurë, e cila kishte ndërruar jetë”, shkruan Raka, duke përshkruar situatën tejet të rënduar në shtetin e Liberisë.

Doktori Lul Raka thotë se njerëzit në Liberi kanë vërtetë nevojë për ndihmë dhe se po bën ç'është e mundur që ta japë kontributin e tij për ta luftuar Ebola-n. /albeu.com/