Haradinaj shkruan: I përjetshëm qoftë kujtimi për dëshmorët e Koshares!
Përmes një postimi të bërë në rrjetin social Facebook, lideri i Aleancës për Ardhmërinë e Kosovës, Ramush Haradinaj përkujton betejën e lavdishme të Koshares, heronjtë Agim Ramadani, Sali Çeku tha 112 dëshmorët tjerë.

“E kujtojmë me respektin më të lartë, sot, në 16-vjetorin e saj, Betejën e lavdishme të Koshares, heronjtë Agim Ramadani, Sali Çeku dhe 112 dëshmorët tjerë, që me guximin dhe gjakun e tyre shënuan njërën prej ngjarjeve më të rëndësishme të luftës së Ushtrisë Çlirimtare të Kosovës.

Manifestimi tradicional “Ditët e Shqipes”, që nis sot, risjellë lavdinë e kësaj ngjarjeje dhe përmbushë veç njërin prej obligimeve tonë në nderim të sakrificës së bijave dhe bijve më të mirë të kombit, për lirinë dhe shtetin që po e ndërtojmë. Beteja e Koshares, një nga ngjarjet e luftës sonë për liri, kujtohet si një prej betejave më të suksesshme të UÇK-së, ku u zhbë, për herë të parë, kufiri i padrejtësisë së madhe midis shqiptarëve, në kapitullin përfundimtar dhe vendimtar të luftës sonë për liri. Lavdi të gjithë të rënëve!

I përjetshëm qoftë kujtimi për dëshmorët e Koshares!”, shkruan Haradinaj. /albeu.com/
Shtuar më 09/04/2015, ora 10:13

Shkruani komentin tuaj!
Të fundit nga kjo kategori