Haradinaj reagon ashpër pas ndalimit të këshilltarit të tij në Serbi
Kryeministri i Republikës së Kosovës, Ramush Haradinaj, ka reaguar pas ndalimit të këshilltarit të njëherit zyrtarit të Partisë Liberale Serbe, Srgjan Jovanoviq, nga autoritetet e Serbisë.

Haradinaj në një postim në llogarinë e tij në Facebook, ka shkruar se ky ndalim dëshmon se metodat e frikësimit që përdoren nga autoritetet serbe janë shenjë agresioni ndaj qytetarëveKosovës.

Haradinaj i ka bërë thirrje Brukselit që të adresojë sjelljet e autoriteteve serbe ndaj qytetarëveKosovës.

“Shpreh shqetësimin për ndalimin e këshilltarit tim Srdjan Jovanovic nga autoritetet e sigurisë dhe inteligjencës serbe. Ky ndalim, që nuk është i pari i kësaj natyre, edhe njëherë dëshmon qartë se metodat e frikësimit që përdoren nga autoritetet serbe, janë një shenjë agresioni, karshi qytetarëveKosovës.
Ju bëjmë thirrje autoriteteve të Brukselit zyrtar që të reflektojnë dhe adresojnë, sjelljen e autoriteteve serbe ndaj qytetarëveKosovës.

Ky agresion, nuk i ndihmon normalizimit të marrëdhënieve mes shteteve tona”, ka shkruar në Facebook, Ramush Haradinaj.

Edhe Kryetari i Kuvendit të Kosovës, Kadri Veseli, ka reaguar për ndalimin e zyrtarit të Partisë Serbe, Srgjan Jovanoviq, nga autoritetet e Serbisë.

Veseli në një postim në llogarinë e tij në Facebook, ka shkruar se ndalimi i Jovanoviqit është veprim i papranueshëm që synon të përndjekë serbët e Kosovës.
Shtuar më 25/04/2019, ora 14:49
Shkruani komentin tuaj!
Të fundit nga kjo kategori