Haradinaj: Nuk ka kryeministër zarfash
Pëlqej
Kreu i AAK-së dhe njëkohësisht i nominuar nga blloku VLAN për kryeministër ka theksuar se duhet që në seancën e 2 nëntorit të ketë debat lidhur me krizën politike.

Sipas tij, përderisa kriza politike po flitet nga qytetarët nëpër kafene e nëpër shtëpi, përse mos të ketë një debat edhe në Kuvend.

“Në takimin e sotëm, nuk ka mundur të mos jetë pjesë e bisedës edhe mënyra se si po qeveriset vendi, përkatësisht dëmi që po i shkaktohet vendit. Gjithashtu kemi diskutuar edhe rreth seancës së ardhshme të Kuvendit. Pjesa e parë, dihet, PDK do të konsumojë propozimin e saj për kryetar të Kuvendit. Nëse në seancën që vjen do të veprohet njëjtë si në dy të parat, atëherë do të shohim se cila do të jetë mënyra më e mirë për të reaguar”, ka thënë Haradinaj.

Ai ka hedhur poshtë në mënyrë kategorike zgjedhjen e mundshme të kryeministrit nga zarfi.

Ramush Haradinaj ka theksuar se nuk ka pse të ketë zarf, pasi shumica parlamentare ekziston dhe atë e ka koalicioni VLAN. /albeu.com/
Shtuar më 30/09/2014, ora 14:21
Shkruani komentin tuaj!
Të fundit nga kjo kategori