Haradinaj nuk do të shkarkojë Ministrin Bytyqi
Ministri i Arsimit, Shkencës dhe Teknologjisë, Shyqiri Bytyqi, nuk do të shkarkohet nga pozita e tij. Lajmi se Kryeministri Ramush Haradinaj do ta largojë nga pozita e ministrit, zyrtarin nga radhët e Nismës Social Demokrate, del të jetë jo i vërtetë.

Arsyeja që pretendohej të ndodhte shkarkimi i Minsitrit, raportohej të ishte Përjashtimi i Agjencisë së Akreditimit të Kosovës nga Regjistri Evropian për Sigurimin e Cilësisë në Arsimin e Lartë.

Por këtë e mohojnë nga Qeveria. Thonë se për këtë çështje do të lëshohet edhe komunikatë.

Ministri Bytyqi ishte ftuar sot të raportojnë në Komisionin për Arsim, lidhur më përjashtimin e Kosovës nga EQAR, por që nuk kishte shkuar.

Ministri i Bytyqi në fillim të detyrës së tij kishte shkarkuar bordin e Agjencisë së Akreditimit, i cili kishte thënë se këtë vendim e kishte marrë së bashku me kryeministrin./Express


Shtuar më 02/03/2018, ora 10:38

Shkruani komentin tuaj!
Të fundit nga kjo kategori