Haradinaj ndryshon qëndrim, nuk i fal borxhlinjtë e ujit
Kryeministri i vendit, Ramush Haradinaj, ka hequr dorë nga falja e borxheve për ambalazhuesit e ujit, shkuan sot Koha Ditore.

Në mbledhjen e Qeverisë, të mërkurën, ai ka ndryshuar vendimin e datës 3 tetor të vitit të kaluar, ku nga pika e parë e vendimit ai ka hequr fjalën “aprovohet falje e borxheve” dhe e ka zëvendësuar atë me “aprovohen lehtësirat për ambalazhuesit e ujit, të paraparë në nenin 12 të Udhëzimit Administrativ, për strukturën e pagesave të ujit”.

Burime të gazetës brenda Qeverisë kanë bërë të ditur se vendimi është marrë pasi “Haradinaj është bindur se nuk ka bazë ligjore”.

“Lehtësirat munden me qenë diçka sipas rekomandimeve të raportit/analizës së Këshillit ndërministror për ujërat”, ka thënë ky burim.
Shtuar më 01/03/2018, ora 08:13
Shkruani komentin tuaj!
Të fundit nga kjo kategori