Haradinaj kundër Pack: Kam përkrahjen e 63 deputetëve
Eurodeputetja Doris Pack ka thënë se nuk ka baza që Ramush Haradinaj të jetë kryeministri i Kosovës, pasi ka marrë vetëm 10 përqind të votave të popullit.

Kësaj deklarate, i është kundërpërgjigjur i pari i AAK-së.

Haradinaj tha se eurodeputetja si duket është informuar në mënyrë të pjesshme për situatën politike në Kosovë.

"Është një zonjë shumë e respektuar dhe kam patur komunikim shumë të mirë me të. Si duket, ajo ka informacion të pjesshëm për Kosovën dhe vetëm nga njëra palë. Unë jam i nominuar nga 63 deputetë dhe kjo mjafton për të shpjeguar se kë e përfaqësoj", tha Haradinaj pas takimit që pati me ambasadorin bullgar në Kosovë.

Haradinaj ka theksuar se blloku do ta shfrytëzojë rrugën e vetme që ka mbetur, duke iu drejtuar Gjykatës Kushtetuese./albeu.com/
Shtuar më 22/10/2014, ora 13:08

Shkruani komentin tuaj!
Të fundit nga kjo kategori