Kryeministri Ramush Haradinaj është shprehur i bindur se në Bashkimin Evropian (BE) nuk ka vende që bllokojnë heqjen e vizave për Kosovën.

Sipas kreut të ekzekutivit ka vende hezituese. Ai sërish ka përsëritur se para Vitit të Ri do të ketë lajm pozitiv për vizat.

“Para ndërrimit të moteve do të marrim lajm të mirë për vizat. S’ka vende bllokuese, ka vende hezituese është çështje politike”.

Ndërsa, kryetari Ahmeti tha se u janë drejtuar me letër partive socialdemokrate evropiane në mënyrë që shtetet e tyre të mbështesin heqjen e vizave për Kosovën.