Haradinaj edhe me ambasadorët e BE-së e shmangi demarkacionin
Qeveria e Kosovës njofton për takimin e sotëm që zhvilloi me diplomatët e Bashkimit Evropian, ku u prezantuan dhe nënvizuan prioritetet e agjendës evropiane, por me këtë rast është shmangur tema e Demarkacionit.

Shefja e Zyrës së BE-së në Kosovë/Përfaqësuesja Speciale e BE-së, Nataliya Apostolova dhe shefat e Misionit të Bashkimit Evropian, u takuan sot me kryeministrin Ramush Haradinaj.

Të pranishëm në këtë takim ishin edhe zëvendëskryeministri, Enver Hoxhaj, ministrja për Integrime Evropiane, Dhurata Hoxha, ministri i Drejtësisë, Abelard Tahiri, ministri i Financave, Bedri Hamza, dhe ministri i Punëve të Brendshme, Flamur Sefaj.

Kryeministri Haradinaj dhe anëtarët e kabinetit prezantuan dhe nënvizuan prioritetet e Agjendës Evropiane dhe pritshmëritë e Qeverisë si dhe theksuan rëndësinë e rrugës evropiane për Kosovën.

Ambasadorja Apostolova dhe Shefat e Misioneve të BE-së e mirëpritën fokusimin e qeverisë në Agjendën Evropiane, duke veçuar posaçërisht nevojën e zbatimit të MSA-së, ARE-së dhe marrëveshje të arritura në kuadër të dialogut.

Pjesëmarrësit u shprehen të kënaqur me takimin dhe u dakorduan të vazhdojnë me këtë lloj të shkëmbimeve në baza të rregullta.


Shtuar më 20/09/2017, ora 16:32

Shkruani komentin tuaj!
Të fundit nga kjo kategori