Haradinaj e kritikon sy më sy Apostolovën
Pëlqej
Shefja e BE-së në Kosovë, Natalya Apostolova, ka thënë sot se BE qëndron afër Kosovës në përmbushjen e kritereve në rrugën drejt Bashkimit Evropian dhe se Kosova nuk mund të mbetet mbrapa në rrugën e saj evropiane.

Ajo gjatë takimit me shefin e grupit parlamentar të AAK-së Ahmet Isufin dhe kryetarin e Komisionit për Bujqësi Daut Haradinaj, shprehu brengosjen e saj rreth mos mbajtjes së seancave plenare të Kuvendit pasi shumë ligje po presin për t’u miratuar.

Apostolova theksoi se në bordet e agjencive të pavarura nuk duhet të jenë njerëzit e akuzuar dhe se numri i tyre duhet të zvogëlohet. Ajo theksoi se lufta kundër korrupsionit duhet të vazhdojë, pasi është një prej kushteve për liberalizim.

Ndërsa kryetari i Komisionit për Bujqësi, Daut Haradinaj, kërkoi ndihmën e BE-së pasi ende kanë nevojë. Ai tha se Kosova ende nuk ka ligj për bukën dhe shumë ligje tjera, andaj iu duhet ndihma e BE-së. Mirëpo, pati kritika për Zyrën e BE-së, ku s’ka pasur fleksibilitet kjo Zyrë, dhe ka dështuar qenë ideator i dështimit të disa ligjeve në Kosovë.

Ai ka thënë se edhe Kosova disa prioritete, siç është sundimi i rendit dhe ligjit, arsimit, si dhe shëndetësinë.
Shtuar më 17/10/2017, ora 16:47
Shkruani komentin tuaj!
Të fundit nga kjo kategori