Të paktën 15 persona janë vrarë dhe dhjetë të tjerë kanë mbetur të plagosur pas një sulmi të ndodhur në Shiraz, i njohur si vend i shenjtë në Iran.
Mediat e huaja shkruajnë se 3 persona të armatosur kryen një sulm terrorist, ndërsa ende nuk dihen detaje rreth ngjarjes së rëndë.
Agjencia e lajmeve Fars raportoi se personat e armatosur hapën zjarr ndaj pelegrinëve kur ata hynë në tempullin e shenjtë të Shah Serag, ndërsa një grua dhe dy fëmijë ishin midis të plagosurve.
Autoritetet kanë arrestuar dy prej tre autorëve, njëri prej të cilëve ka mbetur i plagosur gjatë operacionit të arrestimit. Sulmuesi i tretë është në kërkim nga forcat e sigurisë.
Sipas Fars, terroristët nisën të qëllonin me kallashnikov teksa po hynin në oborrin e tempullit.
