Haradinaj bëhet bashkë me AAK-në për rrëzimin e Qeverisë Kurti
Ka përfunduar takimi mes kryetarit të Aleancës për Ardhmërinë e Kosovës, Ramush Haradinaj dhe kryetarit të Lidhjes Demokratike të Kosovës, Isa Mustafa.

Pas takimit, Haradinaj tha se mbështesin mocionin e LDK-së për rrëzimin e Qeverisë Kurti.

“Temë diskutimi ishte inicimi i mocionit për shkarkim të Qeverisë Kurti. Në bisedim me Isa Mustafën e njoftova se qëndrimi i AAK-së, është pro, ne e përkrahim”, tha Haradinaj para mediave.

Lideri i AAK-së, tha se është mirë të ndërmerren veprime dhe të krijohet Qeveria e re, duke shtuar më tej se me Mustafën do të takohet sërish.

Ndryshe, nënkryetari i LDK-së, Agim Veliu ka pohuar se sot do të nisin me mbledhjen e nënshkrimeve për mocionin e mosbesimit.
Shtuar më 19/03/2020, ora 13:31

Shkruani komentin tuaj!
Të fundit nga kjo kategori